Money for nothing

Kur dëgjoj kitarën e disa grupeve të "vjetër", tip Europe, Santana, Dire Straits, RollingStones etj etj, ndihem vërtet në paqe, kanë një veprim çlodhës mbi mua, që nuk di si ta shpjegoj, por gjithsesi një efekt çtensionues dhe ripërtëritës (dhe një herë i ri nuk e besoj, por ... kënaqem me pak).

Sot për dy herë brënda ditës, dëgjova këtë këngë të Dire Straits, herën e parë në një radio lokale që jep vetëm muzikë të viteve '80 dhe së dyti sot pasdite.

Si injorant që jam, asnjëherë nuk isha shtyrë që të "kërkoja" diçka më tepër se ajo që e di që është e tyrja dhe që nganjëherë më vjen natyrale që ta vërshëllej, por sot në ekranin e radios u bëra kurioz nga titulli: "Money for nothing".
Shpresoj që të mos bëj ndonjë gomarllëk dhe ta kem përkthyer gabim (se mirikanët shqiptarë më "vranë"pastaj), por besoj se shqiptarinarisht, do përkthehej si: "Pare të shkume për lesh" (në kuptimin:para të hedhura kot, për hiçgjë).

Do të doja që të ndaja me ju kënaqësinë e dëgjimit të kësaj kënge, por, menjëherë pas saj, në emisionin e lajmeve, nuk munda të mos bëja një lidhje me këtë këngë dhe disa diskutime të bëra disa kohë më parë tek peshkupaujë me disa shokë, rreth një argumenti që u mbyll me pothuajse: Hë se s'merr vesh ti nga Amerika.

Lajmi në fjalë ishte që: të gjithë bursat e botës sot QJANË, dhe kanë djegur kapitale që krahasohen vetëm me ato që humbën me 11/9 (çuditërisht, ashtu si rradhën e parë për festën tjetër, WollStreet ishte mbyllur për festën e MLKing Day).
Për më tepër shikoni tabelën e mëposhtëme të marrë nga Repubblica.it ku duken më së miri shenjat negative...

Money for nothing... të hedhura në shpresën e SHKËMBIT PREJ GRANITI që kujtonin se qe Amerika :(....
Che Dio ce la mandi buona!