06 nëntor 2007

Vrasësi i qymyrit

Dhe dje, ashtu si sot u ktheva vonë, rreth orës 8 të darkës...ndërkohë që po më përgatisnin tavolinën, kontrollova postën, dhe si gjithmonë, klikova mbi "seleziona tutto" dhe po hiqja shenjën e selecionimit nga mesazhet që ja vlente që ti hidhja një sy....arrita tek një e-mail disi të çuditshëm, me objekt:"libri i ri", as vetë s'e di se pse e lashë dhe nuk e fshiva pa e parë, duke menduar që ndonjë reklamë banale e ndonjë libri banal.
Ndërkohë që shkruaja nja dy përgjigje, klikova mbi linkun që ishte atje dhe vazhdoja me disa komente të tjera nëpër blogje... pasi mbarova dhe pjata me makarona po më priste, i hodha një sy të shpejtë "reklamës"... megjithse s'kishte asnjë mangësi në paraqitje, përsosmëria e saj më la një parandjenjë të diçkaje të lustrosur që donte të mbulonte diçka akoma më banale që do të ndeshja në atë libër të "famshëm".
Pas buke, përsëri cigare e kompiuter... nga lajmet e ditës më ra në sy një ANSA dhe mu desh të 'kacafytesha' një çikë me Cheney-n tek peshkupaujë, dhe po atje mu desh të spjegoja diçka më tepër rreth provedimentit të qeverisë italjane për përjashtimin e të huajve nga italia dhe kur ata janë anëtarë të komunitetit europian... dhe meqë të nesërmen do të dilja që në 4 të mëngjesit, thashë që ta mbyllja kompiuterin dhe të shkoja të flija...POR, mjaft për mundimin që personi kishte bërë për gjithë atë prezantim, mu desh që ti hidhja një sy faqeve të para.... në 12 të natës ime shoqe erdhi të më kujtonte se të nesërmen do të dilja shpejt... shkurt muhabeti, në 1 të natës arrita deri në fund.

Hera e fundit që kam qënë "përpirë" nga një libër, ka qënë para një viti ("Codice Da Vinci" (The Da Vinci Code)Dan Brown), dhe megjithëse sot dola në 4 dhe sapo erdha, gjithë ditën kisha në mëndje atë libër.

Zonja dhe zotërinj, do t'ja u këshilloja të gjithëve, për mua është një kryevepër.
Është një kryevepër, jo vetëm për tramën e ndërthurur bukur, jo vetëm për natyrën "policeske" që mund të rradhitet në librat më të mirë të verdhë që kam lexuar, por edhe për PERSONAZHET dhe për gjuhën e thjeshtë dhe të pasur që autori ka përdorur.
Nuk mund të mos dashurohesh pas tyre, ç'dokush prej nesh do të donte që të ishte shok i tyre ose do të gjente mjaft gjëra të tijat tek ata personazhe të jetës së re shqiptare(dhe do të donte që të ishin gjithnjë e më të shumtë).
Jo, s'kam ndërmënd që t'ju tregoj asgjë nga libri (por do t'ja u këshilloja që ta kishit në bibliotekën ose kompiuterin tuaj), por po shtoj, se përveç së verdhës në këtë libër, do të shijonit batutat me humor mjaft të hollë ndërmjet personazheve si dhe reflektimet e herpashershme të personazhit kryesor rreth problemeve që Shqipëria dhe istitucionet kanë kaluar ndërkohë.
Për më tepër duhet ta lexoni vetë, dhe personalisht, megjithëse ngela pa gjumë falenderoj autorin për mundësinë që më dha për të ndjerë një kënaqësi të tillë.

Libri titullohet "Vrasësi i qymyrit" dhe për më tepër mund të shikoni këtu: Vrasësi i qymyrit

Nuk më ngelet veçse ti uroj autorit me gjithë zemër që kështu vazhdoftë gjithmonë dhe që ju që lexoni këtë post, t'ju pëlqejë po aq sa edhe mua ky libër.

14 komente:

  1. Ed, e cuditshme qe ti permend kete liber ketu, sepse mua ma nisi nje shoku im qe jeton ne Itali, dhe me tha qe ta lexoja. Lexova komentet e shkruar tek linku i vendosur dhe flitej mire per te, dhe thashe sa te mbaroj pak pune do kthehem tek libri.

    Nejse, rrofsh qe e permende ketu. Si gjithnje, je shume i shpejt me keto informacionet flash:))

    PërgjigjuFshije
  2. Pershendetje Edrus!

    Darien Levani eshte nje nder shoket e mi te ngushte e (nese e ke vizituar) dhe nje nder bashkepunetoret e faqes GLOCAL (www.albstudent.eu).

    Do te kerkoja nese ke miqesi me ata te peshkut te publikonin nje recension rreth ketij libri (une ua dergova por ende s'kane vendosur ta botojne e se di nese do e bejne).

    Thjesht do te doja te te bindja me nje fakt te vetem:
    Darieni kete vere shkoi ne Shqiperi e per shkak te rregullave non-sense te shtepive botuese vendosi se vendi me i mire per librin e tij eshte interneti, ndaj do t'i kerkoja kujtdo qe te arrijme ta perhapim kete liber e t'i tregojme ketyre shtepive se s'kemi nevoje per to.

    PërgjigjuFshije
  3. Se ku e kam pare dhe diku tjeter ne version pdf mgjth s'kam pasur kohe ta lexoj.

    Olti, shtepira botesuese ka mjaft ne Shqiperi, biles kam marre libra te botuar te shkruar nga amatore. Si ka mundesi qe s'ka arritur te gjeje nje shtepi botuese?

    PërgjigjuFshije
  4. Nuk eshte tek mos-patja e shtepive botuese, por kerkesat qe ato kane.

    Njeriu shkruan per pasion, por dhe ta marrin per sylesh, duke ndoshta pretenduar qe autoret te pranojne kushtet e ketyre shtepive botuese nuk eshte e pranueshme.

    Megjithate ju lexojeni....

    PërgjigjuFshije
  5. Doja te te falenderoja per fjalet e mira lal. Dhe te te kerkoja sinqerisht falje per faktin qe te kam lene pa gjume...

    Qellimi im ndersa shkruaja ka qene gjithmone ai qe ti jepja gjakut tim diçka mbi te cilen te zbaviteshin dhe te mendoheshin. Duke lexuar çfare ke shkruar me duket se ja kam dale mbare. Qellimi im tani eshte ai qe ky liber te perhapet, jo aq per mua qe maksimumi mund te kem nje kenaqesi profesionale, por per te tjeret, ata qe do e lexojne...

    Mbasi jam menduar shume kam arritur ne mendimin qe ky liber ja vlen per disa gjera. Kjo me ben te ndihem mire.

    Ke shume dyshime kur shkruan : personazhe ndoshta shume letrare, diskutimet ndoshta vullgare, trama ndoshta shume banale, fundi ndoshta shume...ti e ke lexuar, e njeh dilemen...

    Flm & nje here Edrus. Gjithe te mirat.

    Per Minerven : shtepi botuese nuk kam gjetur asnje. Kam gjetur vetem shtypshkronja! :)

    Darien

    PërgjigjuFshije
  6. Kerkesa te tipit...? Te bazuara apo "te papranueshme" per mendjen tone te reformuar ne Perendim? Se tani xhanem, kur shkon ne Shqiperi duhet folur me gjuhen e tyre.


    Darien, sidoqofte mund t'a botoni dhe me vone. Natyrisht fitimet s'do jene te njejta( nese do kishte fitime se me parate e Shqiperise s'mund te shkonit larg), mgjth versioni ne leter primon perhere mbi ate ne pdf. Leximi ne computer eshte shume i bezdisshem, sidomos kur behet fjale per libra.

    Suksese me tutje, cuna!

    PërgjigjuFshije
  7. P.s. Ah, se desh harrova: nganjehere qellimi justifikon mjetet. :-)

    PërgjigjuFshije
  8. Darien, faleminderit për vizitën dhe sinqerisht faleminderit për librin që ma dhe mundësinë që ta lexoja.

    Tek komentet, meqë erdhe këtu, mund edhe të them një vrejtje të vockël(megjithëse e pranoje dhe vetë diçka më sipër); sado shok që të jesh ti me Oltin, nuk besoj se dhe për shaka do ti drejtoheshit njëri tjetrit me banalitete... aq më tepër Bardhyli ;).

    Jam kënaqur me batutat ashtu siç kam gjetur vetvehten tek mendimet e Bardhylit dhe tek natyrshmëria e të shprehurit të atyre mendimeve.

    P.s: që të të mbush mëndjen se e kam lexuar me vëmëndje, po të jap "gabimet" që kam mbajtur shënim (shënimet e tjera i kam për vehte :))
    fq8-"e pakrahasueshme me gjithçka që e njëjta FABRIKA(FABRIKË) ka bërë që pas '93"
    fq13- "kushedi se sa LEI(LEK) fitojnë"
    fq16- "kam biseduar me Oltin dhe TË(TE) ai kam besim"
    fq37- "dhe INUITA(INTUITA) ime më thotë.."
    fq37- "urrej ÇINIMIN (ÇINIZMIN) kur votohet"
    fq 39- "sesa fabrika SKËNDËRBËJ(SKËNDERBEJ)
    fq 41 "lëri KARLLIQËT(KARLLIQET)
    fq 50- "nis me një kolltuk KREVAR(KREVAT)
    fq 58- "këtë timin do fitoni, në qoftë...(mungon "për" ndoshta) ju

    "O zoti humor MBYLLO (MBYLLE) gojën"(s'e paskam faqen por duhet të jetë ndoshta tek 58 dhe kjo)

    si dhe ke ngatërruar nja DY herë "mullirin me kashtë" në vënd të MULLARIT ;)

    Ti dhashë më tepër që ti korigjoje.
    gjithë të mirat,
    Edi.

    PërgjigjuFshije
  9. Haha, prandaj paske qene duke ma marre shpirtin te ajo kioska tjeter :D Sinqerisht, s'kisha gje me librin, zakoni i keq i gerricjes con koke here pas here sado qe une perpiqem per te kunderten :)

    PërgjigjuFshije
  10. Edi , shum dakort me ty për librin në përgjithësi , (un akoma se kam mbaruar) .Po të vazhdojë Darieni kështu , kemi të bëjmë me një penë me vlera . Do doja të dija diçka më tepër për punët e Darienit në të shkuarën , në se ka .
    Autorë si Darieni , Erioni , Z.Hysi etj , që na ofrojnë punët e tyre falas në internet duhen përkrahur dhe ndihmuar duke i rreklamuar , qoftë edhe duke blerë libra të tyre (në letër) , edhe pse mund ti kemi lexuar në pdf.
    Sa për mua , pdf , ka eklipsuar leximin tradicional , edhe pse punët e mira duhet të jesh me fat që ti gjesh .
    Ju uroj të gjithëve shëndet !

    PërgjigjuFshije
  11. Se si mund te ngaterrohet mulliri me mullarin nuk e di, vetem une ja kam dale mbare.

    Rrofsh akoma per gabimet. Sapo i korrigjova dhe se shpejti do axhornojme edhe versionin e shkarkueshem. Shyqyr Z-tit nuk qenkan shume, ne 60 mije fjale kisha frike se do ishin shume me shume, por ne teresi eshte e pranueshme.

    Olti...natyrisht, eshte vetem nje pikenisje pastaj historia zhvillohet sipas qejfit te vet.

    Edhe batutat ishin histori me vete. Eshte e veshtire te besh humor pa rene ne disa vullgaritete ne te cilet une natyrisht kam rene, por ndoshta jo & aq shume.

    Ca shenimesh te tjera ke mbajtur per vete? :)

    Sa per Minerven, degjo, une nuk kam shkuar kurre te bredh mbas nje shtepije...jo po sa lek, sa kopje, sa shperndarje sepse e di qe eshte kohe e humbur. Si te gjithe njerezit civil u kam shkruajtur nje leter ku u propozoja kete histori. Si njerez civile nuk me kane kthyer pergjigje. :) Varet se çfare kerkon ne jete: nese do te shohesh emrin tend mbi ndonje kopertine ( rreth 30 mije lek te reja ) apo te besh diçka realisht te vlefshme per letersine e pse jo, edhe per historine ( mundim dhe asnje mundesi suksesi ) Une do zgjedh gjithmone kete rrugen e dyte. Nese ata qe e lexojne e perhapin, nese te perhapurit e lexojne...nuk kerkoj gje tjeter...mund te rrine aty ku jane sallonet borgjeze te letersise shqiptare ...

    Por qe ne momentin e pare kur hapa nje faqe te bardhe Word e dija qe do shkonte keshtu. Nuk u ndala sepse kjo histori kishte nevoje te dilte. Nuk prisja dhe nuk pres as lek & as ndonje forme tjeter...me mjaftojne falenderimet e njerezve si Edrus apo te tjere te cileve e ndjej qe u kam dhene diçka...



    Sa per zotin Hyka...une shkruaj me shume neper blogje kohet e fundit duke qene se keta jane shume me serioz se sa shume gazeta. Ne www.albstudent.eu apo edhe te faqja ime -Shkrime te tjera - mund te gjesh diçka ne shqip. Kam botuar & ndonej liber me poezi ne Shqiperi - mea culpa, isha 15 vjeç, me besoni, nuk e dija si funksiononte - por as une vete nuk kam as1 kopje.

    Flm per gjithçka.
    D

    PërgjigjuFshije
  12. E vertete, librat me poezi i ka tret e su gjendet me as nami as njishani. Ndonje poezi e gjeni ne albstudent.eu ose tek portali shqiperia.com . Se nga i kishin psonis ata e i kane vendos ca.

    PërgjigjuFshije
  13. Romani eshte fantastik... Kam lexuar disa nga faqet e para.. me mjafton per te thene se nese do isha botues do e kisha kaluar menjehere ne Botim...
    Mund te me quani mendje madh, por kete do ta them... nje liber te mire e nuhas...kjo me ka ndihmuar te mos lexoj pislliqe ose te pakten keshtu mendoj une...
    Darien te pershendes... me pelqen jashtezakonisht menyra se si rrefen... sapo ta mbaroj do te shkruaj serish.... po them qe e grij qe sonte... Hajt pra urime... Ps e kuptoj shume mire problemin me botuesit, keta jane mesuar me nje tufe njerezish qe bejne si shkrimtare dhe cojne materiale te dobeta, per te cilat paguajne tarifat e botimit dhe nuk marrin asgje pas dhe botuesit me keta mbahen... Kjo eshte arsyeja, pse nuk e marrin asnjehere mundimin te shofin nje liber te hajrit... Tung

    PërgjigjuFshije
  14. Olti, shume mire ua ka bere atyre shtepive botuese, ky eshte triumfi.
    Nje roman i tille t"iu kaloje botuesve tane se kisha besuar, por mire me vjen se me nje talent te tille qe ka Derien Levani ai se shpejti do te botohet edhe ne gjihet tjera e besa do te lusin qe te behet ndonje film ne baz te ketije libri.
    Une jam mahnitur me menyren e shkrimit te ketije autori te ri per mua por me siguri se do te te kene inati shume te tjere, shtetpit botuese kane humbur nje perl.
    Keshilla ime do ishte kjo; mos te nenshkruje fare kontrat me asnje botues, le te botoje librin apo autoeditoje tek ndonje botues i vogel ne itali me shpenzimet e tija ku do i kushtoje per 1000 kopje 3000 euro, keshtuqe dzl nje liber shqipe e cilesor ku pastaje mund ta shesi me post ose tek librarite ne shqiperi e kosove.
    Ky veprim nuke eshte nençmues, e pame vleren e larte te nje autori te madh, pse mos te veproje keshtu ku shumica e autorve amerikan botojne libra me copirajt te tyre, keshtuqe ne vend qe ti fitoje vetem 15% nga shitja e botuesve, Drien-it do i mbesin ne xhep 60% te pastra, ose me mire me thene ua hjeke botuesve nga xhepi keta lekë, nejse, ne shenje revanshizmi se keshtu e kerkojne ata....
    Edhe diçka, libri duhet te dali ne 170 faqe se paku e jo keshtu se behet pastaje i lodhshem per sy...

    Komplimentet e mia edhe njehere sukses !

    PërgjigjuFshije

Faleminderit per komentet